Shtetet e Azisë drejt njohjes së Kosovës, thotë Haxhinasto

Kryediplomati shqiptar, Edmond Haxhinasto ka deklaruar se Sulltanati i Bruneit dhe Tajlanda kanë bërë hapat e parë drejt njohjes së Kosovës dhe pritet që shpejt të ketë edhe veprime të tjera.

Në një intervistë për të përdtishmen ‘Express’, Haxhinasto ka bërë të ditur se posa është kthyer nga Azia Juglindore dhe atje ka parë lëvizje të shteteve që pritet ta njohin Kosovën.

“Mund të them se Sulltanati i Bruneit u shpreh shumë qartë, duke thënë se nuk ka asnjë pengesë që të njohin Kosovën dhe sigurisht ky është një angazhim serioz nga ana e këtij shteti dhe jam i bindur se në ditët e ardhshme do të kemi zhvillime pozitive”, ka paralajmëruar Haxhinasto.

Veç kësaj, ai ka bërë të ditur se tashmë tajlandezët kanë bërë hapin e parë drejt njohjes së Kosovës, ngaqë kanë pranuar pasaportat e Republikë së Kosovës.