Më shumë euro të falsifikuara

Janë tërhequr nga qarkullimi 507.000 kartëmonedha të falsifikuara euro, që është 44 për qind më shumë se në gjysmën e dytë të vitit 2013

Keystone

Numri i bankënotave  të falsifikuara të euro të cilat janë tërhequr nga qarkullimi u rrit në gjysmën e dytë të 2014, thuhet një njoftim të Bankës Qendrore Evropiane (ECB).

“Gjatë periudhës korrik-dhjetor 2014 janë tërhequr nga qarkullimi 507.000 kartëmonedha të falsifikuara euro, që është 44 për qind më shumë se në gjysmën e dytë të vitit 2013,” thuhet në një raport gjashtëmujor të Bankës Qendrore Evropiane për falsifikim të kartëmonedhave euro, raporton agjencia France Press.

Banka qendrore, megjithatë, thotë se përqindja e monedhave të falsifikuara është shumë më e vogël ngase në gjysmën e dytë të vitit të kaluar në qarkullim janë lëshuar 16 miliardë bankënota euro.