Shumica e banorëve të Zvicrës nuk janë në gjendje të blejnë shtëpi

Studimet janë kryer nga Shoqata Zvicerane e Pronarëve të Shtëpive (HEV)

Ata parashikojnë rritje të çmimeve të shtëpive, pjesërisht për shkak të disponueshmërisë së kufizuar të banesave me një familje, shkruan The Local.

Sondazhi tregon se ndërsa 13 000 shtëpi të reja ishin planifikuar në vitin 2000, vetëm 7000 ishin ndërtuar deri në vitin 2016, përcjell albinfo.ch.

Çmimet e shtëpive në Zvicër u rritën me gjashtë përqind vitin e kaluar.

Parashikimi është gjithashtu i keq për pronarët e apartamenteve.

Sondazhi HEV konfirmon gjetjet e një studimi tjetër, të kryer në fillim të këtij muaji nga Raiffeisen Bank, duke treguar se çmimet e apartamenteve u rritën me dy për qind në vitin 2018, përcjell tutje albinfo.ch.

Sidoqoftë, ka një lajm të mirë në tregun e pasurive me qira.

Për shkak se një numër i madh i apartamenteve me qira janë bosh – në vitet e fundit, numri i tyre është dyfishuar, thotë studimi – qiramarrësit e ardhshëm kanë një përzgjedhje të mirë për të zgjedhur me çmime të arsyeshme.

Aktualisht, 42.5 për qind e banorëve të Zvicrës kanë shtëpi.

 

---