Si është një zviceran tipik?

(KEYSTONE/Christian Beutler)

Rreth 8.7 milionë njerëz jetojnë në Zvicër, rreth 75% e tyre kanë pasaportë zvicerane në këtë vend.

E nëse përfshihen edhe zviceranët që jetojnë jashtë vendit, pothuajse 6.5 milionë njerëz kanë nënshtetësi zvicerane.

Por, si duket një zviceranë tipik?

Mesatarja zvicerane jeton në Zvicrën gjermanishtfolëse, më saktë në kantonin e Cyrihut. Aty jetojnë 17,5% (rreth 1,130,000 njerëz) e popullsisë vendase. Ajo u pasua nga kantoni i Bernës me 13.4%, shkruan 20minuten.

Mesatarja zvicerane nuk është burrë, por grua, më saktë grua nga Cyrihu, sepse 51.4% e personave që kanë pasaportë zvicerane janë gra.

Është po aq e mundshme që ajo të jetojë në një qytet, pasi 85% e popullsisë zvicerane tani jeton në qytete.

Sa vjeç është kjo grua mesatare zvicerane?

E sigurt del të jetë se ajo është në grupmoshën 40 deri në 64 vjeç, si rreth 2,214,000 njerëz (34.1% e zviceranëve).

Ka shumë mundësi që ajo të jetë beqare, pasi 45.1% e zviceranëve janë të pamartuar. Megjithatë, ajo ka pothuajse po aq gjasa për t’u martuar, pasi vetëm katër nga dhjetë zviceranë janë të martuar.

Një grua mesatare zvicerane ka nga një deri në dy fëmijë. Numri mesatar i fëmijëve për grua zvicerane në vitin 2021 ishte 1.42 (1.38 për burrat), përcjell albinfo.ch.

Për një grua zvicerane paga mesatare bruto është 6429 franga. Megjithatë, nëse zvicerani mesatar do të ishte burrë, paga e tij do të ishte më shumë se 15% më e lartë, në 7,455 CHF.