Si mund të zgjedhet një deodorant ?

Disa ditë më parë albinfo.ch ka publikuar një artikull me titull: Vini re: Deodorantët për sqetulla mund të shkaktojnë kancer.

Një lajm i tillë është mjaft shqetësues, sidomos kur dihet se shumica prej nesh përdorin deodorante të ndryshme. Prandaj, edhe duket krejtësisht e logjikshme të pyesim se çfarë deodoranti mund të përdorim atëherë ?

Një studim i kryer në Gjenevë akuzon përdorimin e kripërave të aluminit në deodorante të ndryshme. Kështu që, duhet peshuar disa argumente para se të zgjedhet produkti në fjalë.

Zgjedhja e një deodoranti është bërë diçka e ndërlikuar. Tani më dihet se përdorimi i të ashtuquajturve Parabens që ndihmojnë konservimin e produkteve kanë një reputacion të keq. Edhe alkooli mund të jetë irritues. Javën e kaluar, një studim i Gjenevës ka theksuar efektet e dëmshme të kripërave të aluminit që përdoren për deodorantët për sqetulla, të cilët kanë për synim të ndalojnë djersën e qelizave të gjirit të njeriut. Kur hyjmë në një farmaci, shumë shpejt vështrojmë se shumë pak prej deodoranteve të prezantuar nuk përmbajnë substancën e lartpërmendur.

Një kliente dëshmon për gazetën e përditshme “Le Temps”. Ajo thotë se kur ka kërkuar një deodorant pa kripëra alumini, shitësi i është përgjigjur që çdo ditë ka afër pesëdhjetë kërkesa të tilla që nga përhapja e lajmit në media. Megjithatë, janë të mendimit se është pak herët për t’u alarmuar dhe se alternativat nuk janë domosdoshmërisht më të mira.

Shkencëtaret e Gjenevës theksojnë faktin se shumica e kancereve të gjirit zhvillohet në pjesën afër sqetullës. Është e mundur që kanceri zhvillohet thjesht për shkak të faktit se ka shumë gjëndra në kuadratin e sipërm e të jashtëm të gjirit. Hulumtuesit thonë se studimi i tyre nuk do thotë se kripërat e aluminit të japin kancerin domosdoshmërisht: “Ne duam të hapim debat”.

Ilaçe shtëpiake

Mund të luftohet kundër djersitjes me ilaçe shtëpiake. Thuhet se disa bimë të ashtuquajtura Salvia officinalis rekomandohen kundër djersitjes. Në librari ka formula të ndryshme që trajtohen në një libër të titulluar “Krijoni kozmetikën tuaj”, i publikuar nga shtëpia botuese Earth Living. Për shembull, mund të përgatiteni një deodorant me alkool (90°), uthull molle, lëngë të trëndafilave dhe me vajra esenciale.