Siguruesi zviceran përgatitet që dëmet e stuhisë të arrijnë vlerën mbi 75 milionë CHF

Markus Pfister @MarkusPfister5, X

Gjysma e parë e vitit në Zvicër u karakterizua me reshje të dendura shiu dhe stuhi të shumta. Siguruesi Mobiliar pret dëme të larta nga stuhia prej mbi 75 milionë CHF për gjashtë muajt e parë të vitit 2024.

Mobiliar njoftoi të premten se stuhitë e forta të javëve të fundit kanë shkaktuar jo vetëm vuajtje të mëdha njerëzore, por edhe dëme të mëdha, transmeton albinfo.ch.

Sipas njoftimit, rreth 47 milionë CHF nga kostot e stuhisë në gjysmën e parë të vitit ka të ngjarë të jetë për shkak të përmbytjeve dhe rreth 17 milionë CHF nga breshri.

Tutje, u tha se Mobiliar ka marrë më shumë se 13,500 raporte dëmi deri më tani dhe këto shifra ka të ngjarë të rriten, shkruan swissinfo. Mobiliar vlerëson dëmet që arrijnë në 32 milionë CHF për ngjarjet shkatërruese në Valais dhe Ticino vetëm në fund të qershorit.