Sport

Sioni i shqiptarëve në krizë

Te Sioni luajnë futbollistët shqiptarë, Ermir Lenjani dhe Burim Kukeli, si dhe Pajtim Kasami

E diel, 15 Tetor 2017 - 22:20 albinfo.ch

Skuadra e Sionit ka pësuar edhe një humbje në Superligën e Zvicrës. Kësaj radhe është mundur 1:2 nga St. Gallen. Trajner i Sionit është ndihmëstrajneri i Kombëtares shqiptare, Paolo Tramezzani, që duket se i ka ditët e numëruara në skuadrën zvicerane, shkruan albinfo.ch.

Te Sioni luajnë futbollistët shqiptarë, Ermir Lenjani dhe Burim Kukeli, si dhe Pajtim Kasami.

Sioni ndodhet në vendin e shtatë me 12 pikë pas 11 xhirove të zhvilluara.

Ndërkohë, Shkëlqim Demhasaj ka shënuar për Luzernin në barazimin 1:1 kundër Grasshopersit. Ai realizoi në minutën e shtatë.

Një ditë më herët ka shënuar Albian Ajeti për Baselin në fitoren 4:0 kundër Luganos.

 Të tjera nga Sport

Në fund, Rrahmani kërkoi nga Napoli të fokusohet në Ligën e Kampionëve për ta siguruar play-offin

 E-Diaspora

 Jeta në Zvicër