S’ka çerdhe falas në Gjenevë

@pixabay

Një nismë popullore që propozonte garantimin e kujdesit falas për fëmijët në çerdhe për të gjithë fëmijët në kanton, u refuzua nga Conseil d’Etat.

Sipas Qeverisë zvicerane, nisma bie ndesh me ligjin kantonal, i cili kërkon që prindërit të japin një kontribut financiar për kujdesin ndaj fëmijëve.

Unioni Populaire i ekstremit të majtë që nisi nismën nuk pajtohet, shkruajnë mediat zvicerane, përcjell albinfo.ch.

Anëtarët e saj synojnë të bëjnë një apel pranë Dhomës Kushtetuese Kantonale për të kundërshtuar refuzimin e nismës së tyre. Ata thonë se janë gati të shkojnë deri në Gjykatën Federale.