Socialistët votojnë Ligjin për Teatrin 

Pozita e kuvendit të Shqipërisë ka votuar ligjin për teatrin.

Pozita në Kuvend ka miratuar me 75 vota pro dekretin e presidentit Ilir Meta për Teatrin Kombëtar si dhe është miratuar me shumicë të thjeshtë, edhe ndryshimet që vetë i bëri këtij ligji në Komisionin e Veprimtarisë Prodhuese. 

Rama ishte në Kuvend vetëm për një fjalim të shkurtër, ku tha se Teatri Kombëtar në kushtet aktuale është një godinë e marrë fund dhe nuk mund të restaurohet. 

Ligji parashikon një garë të hapur për këdo ka interes për të ndërtuar në këtë zonë me kushtin që të ndërtojë edhe Teatrin e ri Kombëtar. 

Ligji i miratuar me ndryshime i ka lënë 30 ditë kohë kompanive të tjera për të hyrë në garë. Por jashtë Kuvendit ka pasur protesta nga qytetarët kundër. Me pankarta në duar “Unë jam teatri, ti je tradhtar”, Aleanca për mbrojtjen e Teatrit kërkoi mosmiratimin e ligjit.

---