Sonte miqësorja Kosovë-Shqipëri

Për tifozët do të jetë festë e futbollit dhe t’i përkrahin dy ekipet shqiptare

Sonte do të jetë një festë e shqiptarëve në Zvicër. Nga ora 20:00 në stadiumin “Letzigrund” në Cyrih do të takohen Kosova dhe Shqipëria, shkruan albinfo.ch.

Stadiumi me kapacitet rreth 25 mijë ulëse pritet të mbushet nga tifozët shqiptarë, që do të kenë mundësi të shohin nga afër dy ekipet shqiptare.

Si Kosova, ashtu edhe Shqipëria, do të kenë mundësi t’i provojnë disa lojtarë të rinj, që do t’u shërbejnë në Ligën e Kombeve që fillon në muajin shtator.

Ndërkohë, për lojtarët do të jetë një ndeshje e veçantë të ndeshen kundër njëri-tjetrit, ku disa futbollistë të Kosovës më parë kanë luajtur për Shqipërinë, kurse te kuqezinjtë aktivizohen shumë futbollistë nga Kosova.

Për tifozët do të jetë festë e futbollit dhe t’i përkrahin dy ekipet shqiptare.