Lifestyle

Sonte nata e Zvicrës dhe Shqipërisë

Pesë shtete janë kualifikuar automatikisht në finale Italia, Franca, Gjermania, Britania e Madhe dhe Izraeli

Sonte është nata e dytë e “Eurovisionit” që po mbahet në Izrael. Dje është zhvilluar gjysmëfinalja e parë, derisa sonte është gjysmëfinalja e dytë. Finalja është më 18 maj, shkruan albinfo.ch.

Janë gjithsej 18 shtete që do të garojnë, derisa vetëm dhjetë prej tyre do të arrijnë të kualifikohen në finalen e madhe të 18 majit. Në mesin e këtyre shteteve është edhe Shqipëria, nën përfaqësimin e artistes Jonida Maliqi me këngën “Ktheju Tokës”. Zvicra përfaqësohet nga Luca Hanni me këngë “She Got Me”.

Transmetuesi publik i çdo vendi ka emëruar pesë profesionistë të industrisë muzikore si anëtarë të jurisë për të hedhur votën e tyre. Renditjet e tyre janë të kombinuara për çdo vend, ku këngët më popullore marrin 12 pikë, të tjerët marrin 10, pastaj 8, 7 dhe kështu me radhë, deri në 1 pikë për këngën e tyre më të preferuar.

Juritë vendosin pikët e tyre bazuar në katër elementë kryesorë: Vokali i këngëtarit, performanca në skenë, përbërja dhe origjinaliteti i këngës, si dhe përshtypja e përgjithshme e aktit.

Pesë shtete janë kualifikuar automatikisht në finale Italia, Franca, Gjermania, Britania e Madhe dhe Izraeli. Nga nata e parë janë kualifikuar: Greqia, Bjellorusia, Serbia, Qipro, Estonia, Republika Ceke, Australia, Islanda, San Marino dhe Sllovenia.

Lista e natës së dytë

Armenia – Srbuk me “Walking Out”

Irlanda – Sarah McTernan me “22”

Moldavia – Anna Odobescu me “Stay”

Zvicra – Luca Hänni me “She Got Me”

Letonia – Carousel me “That Night”

Rumania – Ester Peony me “On A Sunday”

Danimarka – Leonora me “Love Is Forever”

Suedia – John Lundvik me “Too Late For Love”

Austria – PÆNDA me “Limits”

Kroacia – Roko me “The Dream”

Malta – Michela me “Chameleon”

Lituania – Jurij Veklenko me “Run With The Lions”

Rusia – Sergey Lazarev me “Scream”

Shqipëria – Jonida Maliqi me “Ktheju Tokës”

Norvegjia – KEiiNO me “Spirit In The Sky”

Holanda – Duncan Laurence me “Arcade”

Maqedonia e Veriut – Tamara Todevska me “Proud”

Azerbajxhani – Chingiz me “Truth”