Kosova

Sot hidhet shorti për renditjen e subjekteve politike për zgjedhjet e 12 tetorit

E enjte, 4 Shtator 2025 - 11:00 albinfo.ch

Përfaqësuesit e subjekteve politike sot do të tërheqin shortin për renditjen e tyre në fletëvotimet për zgjedhjet lokale të 12 tetorit, përcjell albinfo.ch.

“Tërheqja e shortit për renditjen e subjekteve politike në fletëvotime është një proces i hapur, duke garantuar transparencë e plotë dhe trajtim i barabartë i të gjitha subjekteve politike”, ka theksuar zëdhënësi i Komisioni Qendror të Zgjedhjeve (KQZ), Valmir Elezi.

Tërheqja e shortit nis nga ora 11:00.

Fushata për zgjedhjet e muajit të ardhshëm nis më 13 shtator dhe përfundon para hapjes së qendrave të votimit më datën 12 tetor, në orën 06:59.