Spanja në gjysmëfinale, përfundon ëndrra e Zvicrës

Spanja është gjysmëfinalistja e tretë e Evropianit për femra

Përfundoi ëndrra e Zvicrës në Euro 2025. Nati në shtëpinë e saj humbi nga favoritja Spanja 2:0.

Në takimin e zhvilluar në Bernë, dominuan futbollistet spanjolle, derisa humbën edhe dy penallti, shkruan albinfo.ch.

Afër 30 mijë shikues ishin në këtë sfidë, ku futbollistja shqiptare Riola Xhemaili hyri në minutën e 90-të.

Ajo la gjurmë në Evropian, pasi shënoi golin e barazimit ndaj Finlandës, që i siguroi Zvicrës kalimin në mesin e tetë më të mirave për herë të parë në histori.

Arritja në çerekfinale ishte sukses për Zvicrën, derisa Spanja kërkon titullin. Italia dhe Anglia po ashtu janë kualifikuar në gjysmëfinale.

---