Sporti në funksion të humanitetit

Ideja që përmes sportit të zbutet dhembja njerëzore ka gjetur shumë shpejt njerëz që ndihmojnë

Më shumë se 160 futbollistë nga e gjithë Bavaria kishin ardhur për të ndihmuar në Zeholfng. Në turneun humanitar që është mbajtur të shtunën pati vetëm një fitues: njerëzit në nevojë në Kosovë.

Kanë kaluar 15 vjet nga koha kur ka përfunduar lufta në Kosovë. Por shumë njerëz edhe sot jetojnë pa shpresë dhe ne varfëri, para së gjithash të rinjtë janüe pothuaj pa perspektivë. “Njerëzit luftojnë për bukën e gojës” thotë gazetari Maxhun Smajli. Për këtë arsye, për Xhevat Bekën dhe ekipin e tij prej 15 vetash është e vetëkuptueshme që të ndihmojnë, shkruan lindauer nachrichten.

Ata së bashku organizojnë dy herë në vit turnire futbolli për të mbështetur njerëzit në vendlindje. Të shtunën kishte një festë futbolli për të gjithë dashamirët e sportit. Shumë njerëz kishin ardhur në Zeholfing, futbollistë dhe shikues nga shumë kombe.

“Jam i impresionuar. Është mrekulli të shohësh se çfarë raportesh besimi mbretërojnë në mes të FC Zeholfing dhe miqve shqiptarë”, lavdëron aktivitetin kryebashkiaku dr. Helmut Steininger. Ideja që përmes sportit të zbutet dhembja njerëzore ka gjetur shumë shpejt njerëz që ndihmojnë: Xhevat Bekaj dhe miqtë e tij deshën të japin një sinjal dhe të bëjnë diçka për të mbështetur njerëzit në vendlindjen e tyre . Deri më tash afër 60 familje kosovare kanë përfituar nga kjo ndihmë.