Lajme

Spotify rrit çmimet e abonimit

E enjte, 27 Korrik 2023 - 17:40 albinfo.ch

Platforma e njohur e transmetimit të muzikës Spotify ka vendosur të rrisë çmimet e abonimeve në kategorinë e saj Premium për herë të parë në dhjetë vjet.

Përdoruesit e shërbimit Spotify në Ballkan deri më tani kanë paguar një abonim prej 4,99 euro, 6,49 euro dhe 7,99 euro (në varësi të paketës), ndërsa çmimet e reja për paketat Premium tashmë janë të disponueshme në faqen e internetit të kompanisë.

Kështu, paketa Premium Individual tani kushton 5.49 euro, Premium Duo ka një çmim prej 7.49 euro, ndërsa Premium Family kushton 8.99 euro në muaj.

Spotify theksoi se përdoruesit do të kenë një periudhë mospagimi prej një muaj përpara se të hyjnë në fuqi çmimet e reja dhe do të kenë mundësinë të anulojnë abonimin.

Për ata që nuk duan të paguajnë një abonim, përmbajtje falas do të jetë ende në dispozicion, por ata do të duhet të shikojnë reklama. Përdoruesit e paketës Premium mund të shijojnë muzikë në transmetim dhe përmbajtje të tjera pa përmbajtje komerciale.

Spotify aktualisht ka rreth 515 milionë përdorues aktivë mujorë, si dhe mbi 210 milionë abonentë, dhe po sheh 15 për qind rritje nga viti në vit në numrin e përdoruesve që paguajnë.

 Të tjera nga Lajme

Ministri Pfister: “30 avionë nuk janë të mjaftueshëm në planin afatgjatë”

 E-Diaspora

 Jeta në Zvicër