Stokholm: Atmosferë festive në 17-vjetorin e Pavarësisë së Kosovës

Ambasada e Kosovës në Stokholm shënoi 17-vjetorin e Pavarësisë së Republikës së Kosovës me një pritje solemne, me pjësëmarrës nga mërgata, diplomatë, shoqata e OJQ dhe miq të Kosovës

Ambasada e Kosovës në Stokholm shënoi 17-vjetorin e Pavarësisë së Republikës së Kosovës me një pritje solemne, me pjësëmarrës nga mërgata, diplomatë, shoqata e OJQ dhe miq të  Kosovës, transmeton albinfo.ch.

Ngjarja u zhvillua në ambientet e ambasadës në një atmosferë festive dhe të ngrohtë, duke reflektuar rëndësinë e kësaj date historike.

Pjesë e veçantë e programit ishte performanca e duetit “Kandi & Nora”, të cilët sollën interpretime të veçanta të perlave të muzikës shqiptare nga kompozitorët tanë të njohur.

Po ashtu, të pranishmit patën mundësinë të shijojnë ekspozitën “Të lirë” të artistes Leonora Morina, e cila përmes ciklit të saj të pikturave pasqyroi ndjesinë e lirisë dhe identitetit.

Pritja u pasurua edhe me degustimin e verërave të Kosovës dhe ushqimeve tradicionale.

---