Strehohet familja e parë ukrainase në Tiranë

Bëhet e ditur se familja e parë nga Ukraina është strehuar në Tiranë. Lajmi është dhënë nga ministrja e Shtetit për Marrëdhënien me Parlamentin, Elisa Spiropali, e cila shkruan se ata ndodhen të strehuar në një fermë shqiptare në Laknas, përcjell albinfo.ch.

“Ikur nga tmerri i luftës, familja e parë nga Ukraina mbërrin në Tiranë! Mikpritja shqiptare nuk zhgënjen!”, shkruan Spiropali.

Në një kohë që Ukrainë prej 18 ditësh është nën bombardimet ruse, janë mbi 2.5 milionë refugjatë që janë larguar nga vendi për t’i shpëtuar luftës. Ndërsa numri i civilëve dhe fëmijëve ukrainas të vrarë nga bombardimet janë me mijëra.