Suedi: U hap ekspozita “Fossiler” e artistit kosovar, Visar Ulaj

Ekspozitë në Stokholm, artistit Visar Ulaj nga Kosova që jeton dhe vepron në Suedi

Në Stokholm, në Galleri Bellman u hap ekspozita e titulluar “Fossiler” e artistit Visar Ulaj nga Kosova që jeton dhe vepron në Suedi, shkruan albinfo.ch.

Ulaj përmes punimeve të tija artistike reflekton gjurmë nga momente të ndryshme të kapura diku nëpër botë viteve të fundit, ashtu siç janë ruajtur fosilet bimore e shtazore gjatë historisë së tokës.

Veprat shumë të veçanta dhe me një stil autentik të Visar Ulajt, janë punuar me teknikën e ashtuquajtur popart.

Në hapjen e ekspozitës, mori pjesë edhe ambasadorja Shkendije Geci-Sherifi, ambasadori i Shqiperisë, Virgjil Kule, Shuquri Sejdijaj nga Shoqata Kulturore Teuta-Albanska Kulturföreningen Teuta, Petrit Gora, drejtor i Festivalit Ndërkombëtar Anibar dhe artdashës të shumtë nga institucionet kulturore suedeze. /Albinfo.ch

---