Suksesi i Era Istrefit, i gëzon edhe deputetët

Këngëtarja shqiptare, Era Istrefi, është në përfundim të xhirimeve për himnin zyrtar të Kupës së Botës, Rusia 2018.

Lajmin se ajo do të bëhet pjesë e këngës zyrtare e kanë transmetuar mediat e mëdha botërore, si “The Guardian” dhe “Billboard”, përcjell albinfo.ch.

Era do të shoqërohet në këtë këngë nga Will Smith dhe Nicky Jam. Këto lajme nuk kanë kaluar pa u komentuar edhe nga deputetët në Kosovë. Deputeti Lumir Abdixhiku ka thënë se artistet kosovare sot bëjnë imazhin më të mirë të vendit.

“Vetëm falë tyre emri Kosovë shpërndahet për të mirë gjithandej nëpër botë. E nuk ka propagandë, nuk ka antifushatë që e mund këtë”, ka thënë ai. Abdixhiku ka shtuar se këngëtaret kosovare me suksesin e tyre e kanë bërë krenar çdo kosovar.  “Kampionati Botëror, ngjarja më e shikuar e vitit me 3.2 miliardë spektatorë, do të hapet me Era Istrefin. Finalja e Ligës së Kampionëve, ndeshja më e madhe evropiane sivjet, do të hapet me Dua Lipën”, ka shkruar ai.