Suksesi i FSK-së në Turqi paraqitet edhe në mediat atje

Ndihma që po japin pjesëtarët e FSK-së në Turqi për përballje me pasojat e tërmetit nuk ka kaluar pa u vërejtur nga mediat vendore atje.

Televizioni publik turk, TRT, ka rrëfyer për sukeset e arritura nga ekipet e kërkimit shpëtimit të Kosovës që ndodhen në zonën e Hatayt.

Forca e Sigurisë së Kosovës arriti të nxjerrë të gjallë nënën dhe të birin e saj dyvjeçar nga rrënojat e ndërtesave të shkatërruara dy ditë më parë.

Ekipi i televizionit turk zhvilloi një intervistë me oficerin e lartë ushtarak, Egzon Syla, i cili ka dhënë detaje nga ekipet e shpëtimit që Kosova ka dërguar në ndihmë të Turqisë, përcjell albinfo.ch.

“Ne kemi ardhur këtu me njësinë ushtarake. Kur morëm lajmin të hënën, me aprovimin e presidentes, ne kemi arritur në vendin e ngjarjes. Ne kemi dy njësi – atë të kërkimit dhe të shpëtimit si dhe personel mjekësor. Gjithashtu kemi edhe njësinë e qenve K-9”, pohon Syla.

VIDEO:

https://www.instagram.com/reel/CogZtGCqPzH/?utm_source=ig_web_copy_link