Sulm me armë në Jerusalem, të paktën 7 të plagosur

Të paktën 7 persona janë plagosur pasi disa të armatosur hapën zjarr në disa vende në qytetin e Jerusalemit.

BBC shkruan se sulmuesit qëlluan në një autobus dhe hapën zjarr në një park makinash pranë Murit historik Perëndimor në orën 01:24 me orën lokale.
Të plagosurit, gjashtë burra dhe një grua, janë dërguar në spitalet në Jerusalem.

Një zëdhënës i policisë tha për mediat lokale se incidenti po trajtohet si një sulm i dyshuar terrorist, ndërsa policia ka nisur një kërkim për personat e armatosur, të cilët u larguan pas sulmeve.