Sulm në një komandë policore në Paris: Humbin jetën 5 veta

Sulmuesi ka qenë një person i punësuar në administratën policore, gjegjësisht në prefekturën ku e kreu sulmin

Një person në një sulm me thikë në Prefekturën e Policisë në Paris ka vrarë katër persona, para se të vritet edhe ai nga policia.

Fillimisht mediat kishin njoftuar për katër të vrarë, shkruan srf.ch. Sulmi ka ndodhur sot, rreth orës 13.

Agresori kishte qenë i armatosur me thikë dhe kishte sulmuar një numër policësh në brendi të komandës policore, transmeton albinfo.ch. Ai ka qenë një person i punësuar në administratën policore, gjegjësisht në prefekturën ku e kreu sulmin.

Ende nuk ka informacione për motivin e këtij sulmi.

Komanda policore ndodhet në qendrën e kryeqytetit francez, përballë Katedrales Notre Dame.

Rrugët në afërsi të vendit të ngjarjes janë bllokuar nga policia.

---