Futboll

Super Zhegrova, 2024-ën e nis me 3 gola e 2 asistime

Për këtë super paraqitje, Edon Zhegrova u vlerësua nga SofaScore me notën maksimale 10

E shtunë, 6 Janar 2024 - 21:28 albinfo.ch
Keystone (AP Photo/Michel Spingler)

Futbollisti i Kosovës, Edon Zhegrova, e ka nisur vitin 2024 në mënyrë fantastike, duke shënuar hat-trick dhe duke asistuar në dy të tjerë.

Zhegrova ishte magjik në fitoren e thellë të Lille ndaj Golden Lion me rezultat 12-0, në kuadër të Kupës së Francës, shkruan albinfo.ch.

Zhegrova asistoi Yazici dhe David në dy golat e parë të skuadrës së tij në minutat 11 dhe 25, teksa golin e parë personal e shënoi në minutën e 33-të.

Ai e dërgoi topin edhe dy herë të tjera në rrjetë brenda 2 minutave në fundin e pjesës së parë, respektivisht në minutat 41 dhe 42 të sfidës.

Për këtë super paraqitje, Edon Zhegrova u vlerësua nga SofaScore me notën maksimale 10.

Kështu Lille me anë të kësaj fitoreje të thellë ka kaluar në fazën tjetër të kupës.

 Të tjera nga Futboll

Granit Xhaka rrëfen sakrificat e familjes

 E-Diaspora

 Jeta në Zvicër