Swiss Holiday Park rrit ndjeshëm çmimet e hyrjes

Swiss Holiday Park shtrenjton ndjeshëm biletat për zonën e banjave

Parku më i madh i argëtimit në Zvicër, Swiss Holiday Park, ka vendosur të rrisë ndjeshëm çmimet për hyrjen në zonën e banjave, përcjell albinfo.ch.

Sipas vendimit të ri, abonimi vjetor për “Bäderwelt” do të kushtojë tashmë 1280 franga zvicerane, që përfaqëson një rritje prej rreth 30 për qind. Rritje çmimesh janë shënuar edhe në vitet e fundit për biletat individuale të hyrjes.

Vizitorët kanë reaguar ndaj kësaj rritjeje, duke shprehur pakënaqësi për kostot më të larta dhe duke kritikuar njëkohësisht edhe reduktimin e stafit në zonën e banjave.

Kompania, e cila është pjesë e grupit Reka, nuk ka dhënë ende detaje të mëtejshme për arsyet konkrete të rritjes së çmimeve, por trendi i shtrenjtimit duket se po vazhdon në sektorin e kohës së lirë në Zvicër. /Albinfo.ch

---