Swisscom do të ulë ndjeshëm tarifat e roaming-ut

Nga 1 qershori, operatori më i madh i telekomunikacionit në Zvicër po lançon paketa të reja roaming

Duke filluar nga 1 qershori, operatori më i madh i telekomunikacionit në Zvicër po lançon paketa të reja roaming me çmime më të ulëta për shfletim në mbi 100 vende, përfshirë Evropën, Shtetet e Bashkuara dhe Mbretërinë e Bashkuar, njoftoi kompania, përcjell albinfo.ch.

Paketat e reja të të dhënave fillojnë nga 5.90 franga për gigabajt.

“Kjo do të thotë se klientët do të përfitojnë një ulje çmimi deri në 66 për qind për roaming, varësisht nga vendi ku ndodhen”, tha Swisscom.

Ajo shtoi se edhe më shumë vende do të përfshihen në ofertë në vjeshtë.

---