Takohen Kurti – Rashiq

Kandidati i Lëvizjes Vetëvendosje për kryeministër, Albin Kurti, mëngjesin e së dielës e ka nisur në takim me përfaqësuesin e koalicionit “Sloboda”, Nenad Rashiq, raporton KP

Kurti, partia e të cilit ka dalë fituese në zgjedhjet e 6 tetorit, sipas rezultatit preliminar të KQZ-së, tashmë ka filluar takimet për mundësitë e formimit të Qeverisë së ardhshme.

Ata janë në njërin nga hotelet në Prishtinë. Kurti pritet t’i bëjë ofertë Rashiqit, pasi në vazhdimësi ka theksuar nevojën që në përbërjen e Qeverisë së tij të mos ketë përfaqësues të Listës Serbe, por vetëm serbë që respektojnë dhe njohin institucionet e Kosovës, shkruajnë mediat kosovare, përcjell albinfo.ch.

---