Taksat nuk hiqen, premtohet pagesë online për diasporën

Qeveria e Kosovës në vend që të bëj përpjekje për heqjen e policave kufitare, ajo angazhohet që t‘ua lehtësojë pagesën mërgimtarëve, duke ua mundësuar “taksa online”

Bazuar në disponimin dhe angazhimin qeveritar, bashkatdhetarët kosovarë gjatë ardhjes në vendlindje do të duhet të paguajnë policën e veçantë të sigurimit edhe për një periudhë kohore. Madje Qeveria e Kosovës në vend që të bëj përpjekje për heqjen e kësaj takse, ajo angazhohet që t‘ua lentoj pagesën mërgimtarëve, duke ua mundësuar pagesën online.

Kështu ka deklaruar ministri i Diasporës, Valon Murati në një intervistë për Tribuna. Ai ka thënë së do të angazhohet për mundësinë e pagesës online, në mënyrë që të shmangen pritjet e gjata dhe t’u lehtësohet ardhja e qytetarëve në Kosovë.

“I kemi propozuar Byrosë Kosovare së Sigurimeve që së paku në këtë fazë të bëjnë përpjekje, që qytetarët tanë të paguajnë online, në mënyrë që të mos presin në kufij me orë të tëra. Ne kemi biseduar me Byronë, sepse nuk e zgjodhe Qeveria as Banka Qendrore këtë por këtë çështje duhet ta zgjodh Byroja e Sigurimeve”, deklaroi ai.

Ministri Murati ka shtuar se përveç pagesës online, do të ketë edhe avancim të arsimit shqip në diasporë. Ndërsa kërkoi nga bashkatdhetarët që të regjistrohen gjatë procesit të  regjistrimit të diasporës.