Edhe kanionet e Skraparit bëhen destinacion magjik i turistëve të huaj

Kanionet e Skrapari tani ato janë shndërruar në një destinacion të mrekullueshëm për turistë

Edhe pse nuk kanë qenë të njohura më parë kanionet e Skrapari, tani ato janë shndërruar në një destinacion të mrekullueshëm dhe që po tërheq gjithnjë e më shumë turistë vendas e të huaj.

Kryeministri Edi Rama ka ndarë me ndjekësit në rrjetet sociale pamje nga kanionet e Osumit, një tjetër destinacion i Shqipërisë turistike.

Pamja e mrekullueshme e Kanionit të Osumit është rreth 13 km i gjatë, nga 4 deri në 35 m i gjerë, 70-80 m i thellë, me shpatë vertikale, përfund të cilëve rrjedh lumi i Osumit.

I cilësuar edhe si “Koloradoja e Shqipërisë”, pamjet që të ofrojnë kanionet e Osumit janë mahnitëse, atraksion i vërtetë për turistët vendas dhe të huaj.

Rafting në Kanionet e Osumit është tashmë një nga guidat më të preferuara pothuajse nga të gjitha grupmoshat.

Në një distancë prej 13 kilometrash dhe rrethuar me shkëmbinj prej 100 metrash, praktikuesit e raftingut kalojnë shumë ujëvara si dhe një sërë operash arti natyral të krijuara nga erozioni, të pagëzuara me emra si ‘’syri’’, ‘’porta e djallit’’, ‘’krokodili’’ apo ‘’katedralja’’. shkruan “ata”.

Po ashtu në këtë kanion, nga fundi i muajit prill deri në mesin e muajit qershor zhvillohet sezoni i sportit të rafting. Sportistë nga Italia, Anglia, Çekia, Gjermania dhe gjithë bota vijnë jo vetëm për të ushtruar në ujërat e tij, sportin e bukur të raftin, por edhe për të eksploruar magjinë e natyrës shqiptare, përcjell albinfo.ch.

 

---