Tarifat zvicerane të roamingut, shumë të larta për turistët

Në mes të qershorit të këtij viti, 28 shtete anëtare të BE-së ranë dakord për tarifa të përbashkëta të roamingut. Gjithashtu janë përfshirë Principata e Lihtenshtajnit, Norvegjia dhe Islanda. Megjithatë, Zvicra është përjashtuar nga kjo skemë - kështu vendi ka një disavantazh turistik

Keystone

Një mysafir gjerman mund ta përdorë telefonin e tij celular në destinacione të tjera sipas normave të zakonshme. Vetëm në Zvicër paguhen tarifa shtesë të roamingut. Kjo duhet ndryshuar, kërkon qeveria komunale e Graubündenit në Zvicër.

Në mes të qershorit  të këtij viti, 28 shtete anëtare të BE-së ranë dakord për tarifa të përbashkëta të roamingut. Gjithashtu janë përfshirë Principata e Lihtenshtajnit, Norvegjia dhe Islanda. Megjithatë, Zvicra është përjashtuar nga kjo skemë – kështu vendi ka një disavantazh turistik, përcjell albinfo.ch.

Sidomos në krahasim me vendet fqinje, një mysafir i huaj në Zvicër paguan pagesa shtesë dhe pjesërisht të larta, nëse ai dëshiron të përdorë telefonin e tij celular, ankohet qeveria e Graubündenit.

Prandaj, i bën thirrje me një letër këshilltares federale të Zvicrës, Doris Leuthard, “të fillojë menjëherë dhe me prioritet të lartë bisedimet për një marrëveshje të roamingut me vendet e BE-së”. Kjo veçanërisht ka ndikim në rrethet turistike të Graubündenit, thuhet në letër, shkruan “Suedostschweiz”.