Taulant Xhaka kthehet në FC Basel?

Me kampionin e Zvicrës, FC Baselin, Taulanti ka të lidhur një kontratë që e obligon deri në vitin 2015

Duke filluar nga sezoni i ardhshëm futbollistik, Taulant Xhaka, vëllai i madh i Granitit, ka gjasa që të mos luajë më për skuadrën  Grasschoppers të Cyrihut. Ai ishte huazuar një vit më parë nga FC Basel, klub ky te i cili mund të kthehet sërish.

Me kampionin e Zvicrës dhe fituesin e kupës, FC Baselin, Taulanti ka të lidhur një kontratë që e obligon deri në vitin 2015.

Megjithatë, vendimi përfundimtar për atë nëse Xhaka në sezonin që vjen do të luajë për FC Basel ose do të vazhdojë për GC, do të dihet të dielën, pas ndeshjes që do të luhet në mes të dy skuadrave.

GC nuk guxon të nënçmojë humbjen e mundshme të shërbimeve të Xhakës. Ai është shoqëruesi më i mirë i futbollistit aktualisht më të rëndësishëm për GC-në, Izet Hajrovic, shkruan 20minuten.ch.

Klubin Grasschoppers gjatë sezonit të ardhshëm pritet ta lëshojë edhe Willian Rocha, për të cilin ende nuk dihet se ku do të shkojë