Të burgosurit e Dubravës në grevë urie

Prej 1 mijë e 11 të burgosur sa janë gjithsej në Dubravë, 603 prej tyre kanë refuzuar ta marrin dreken, duke kërkuar që Amnistia të futët si kategori kushtetuese. Më shumë se gjysma e të burgosurve në qendrën Korrektuese në Dubravë kanë hyrë në ditën e dytë të grevës së urisë, duke kërkuar miratimin e […]

Prej 1 mijë e 11 të burgosur sa janë gjithsej në Dubravë, 603 prej tyre kanë refuzuar ta marrin dreken, duke kërkuar që Amnistia të futët si kategori kushtetuese.

Më shumë se gjysma e të burgosurve në qendrën Korrektuese në Dubravë kanë hyrë në ditën e dytë të grevës së urisë, duke kërkuar miratimin e ligjit për amnistinë. Sipas një njoftimi që ka lëshuar Shërbimit Korrektues i Kosovës, në grevë urie kanë hyrë mbi 600 të burgosur.

Përfaqësuesit e Shërbimit Korrektues të Kosovës janë takuar me të burgosurit e Dubravës, ndërsa sipas informatave të tyre, nga 1 mijë e 11 të burgosur sa janë gjithsej në Dubravë, 603 prej tyre kanë refuzuar ta marrin dreken, duke kërkuar që Amnistia të futët si kategori kushtetuese.

Drejtori i Përgjithshëm i Burgjeve, Resmi Hoxha ka takuar të rebeluarit, ndërsa u ka konfirmuar se Ligji për amnisti i premtuar nga zëvendëskryeministri Hajredin Kuçi, së shpejti do të miratohet në Kuvend.

Ndërkaq, sipas burimeve të albinfo.ch brenda qeverisë, Ligji për amnisti nuk do të miratohet edhe për një kohë të gjatë. Zyrtarë brenda qeverisë kanë deklaruar se amnistia fillimisht duhet të inkorporohet brenda Kushtetutës si ndryshim kushtetues, e më pas të fillohet me procedura të rregullta.

Duke marrë parasysh procedurat e miratimit të ligjeve dhe ndryshimeve kushtetuese, Ligji për amnisti nuk do të mund të miratohet para vitit 2013.