Tematike
Të Gjelbrit e Zvicrës duan të shohin panele diellore në të gjitha çatitë e vendit
Të Gjelbrit duan të nisin një iniciativë popullore për të instaluar panele diellore në çdo çati në Zvicër, raporton Le Matin Dimanche, përcjell albinfo.ch.
Teksti është vërtetuar nga kryesia e partisë dhe do të votohet në Kuvend më 26 gusht, ndërsa për partinë ekologe, potenciali i Zvicrës për sa i përket energjisë diellore është i madh.
Përpara krijimit të parqeve gjigante alpine, të cilat do të kishin ndikim në mjedis, menaxhmenti mendon se është e nevojshme të shfrytëzohen ndërtesat e ndërtuara tashmë.
Teksti i iniciativës kërkon kështu të bëjë të detyrueshëm prodhimin e energjisë së rinovueshme në “sipërfaqet e përshtatshme të ndërtimeve ose instalimeve”, si çatitë, fasadat dhe barrierat e tjera të zhurmës, përveç rasteve kur ajo bie në kundërshtim me “interesat e mbrojtjes”.
Për të gjitha ndërtimet apo rinovimet e reja, detyrimi do të hynte në fuqi vitin pas votimit. Për ndërtesat ekzistuese parashikohet një periudhë pesëmbëdhjetëvjeçare dhe në raste të caktuara mund të shtyhet deri në vitin 2050.
Deputetja Delphine Klopfenstein Broggini ka deklaruar për gazetën e së dielës se ideja është të mbështesin pronarët. Sipas saj, nisma do të bënte të mundur kthimin në një “logjikë fqinjësie” në prodhimin e energjisë dhe në këtë mënyrë fitimin e sigurisë. Tutje ajo kujton se, sipas një sondazhi të publikuar në fund të majit, “97% e popullsisë është pro instalimeve diellore në çati”.
Të ngjashme
Të tjera nga Tematike
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve