Të gjelbrit “përzënë” SVP-në nga qeveria!

Befasi në qeverinë e re, të porsazgjedhur të kantonit Baseland. Votat e popullit kanë vendosur në këtë instancë për herë të parë një kandidat të partisë së Gjelbër (Isaac Reber) ndërkohë që ka shkarkuar të deritashmin, (Jörg Krähenbühl) që ishte kandidat i SVP-së. Ai ishte i vetmi përfaqësues nga SVP në qeverinë kantonale.

Reber ka arritur rezultatin e katërt në garë me kandidatët tjerë për poste qeveritare.

Dy vende në qeveri ka arritur t`i ruajnë FDP, ndërsa SP dhe CVP vazhdojnë ta kenë nga një, sa kanë pasur edhe deri më tash.

Më së shumti vota ka marrë kandidatja nga FDP, drejtoreshë për siguri dhe polici, Sabine Pegoraro. Pas saj vjen kandidati i SP-së drejtor për arsim dhe kulturë Urs Wütrich.