Do të mahniteni me këto kanione afër Tiranës

Këto kanione të mrekullueshme ndodhen përgjatë rrjedhës së lumit Erzen dhe janë vetëm 20 km larg Tiranës

Të gjithë vrapojmë të vizitojmë vende të huaja, duke pretenduar se e njohim vendin tonë.

Por në të vërtetë nuk e njohim as vendin tonë e as bukuritë natyrore të tij.

Këto kanione të mrekullueshme ndodhen përgjatë rrjedhës së lumit Erzen dhe janë vetëm 20 km larg Tiranës.

Uji i këtij lumi që rrjedh në një terren shkëmbor gjatë shekujve ka krijuar kanione spektakolare. Uji i kristaltë dhe thellësia e kanioneve të krijon mundësi të lahesh apo të notosh në to.

Në pjesën ku lumi ka një thyerje rreth 10 m është krijuar një ujëvarë brenda një guve.

Përpara ujëvarës te kanionet ka vaska të cilat në stinën e nxehtë përdoren për tu larë dhe për të bërë banjo dielli.

Për të shkuar tek këto kanione ndiqet rruga që të çon në Shpellën e Pëllumbasit duke qenë se ato ndodhen poshtë saj në lumin Erzen.