Të shtunën voton diaspora

Në zgjedhjet e përgjithshme të së dielës, të shtunën do të votojnë qytetarët jashtë vendit nëpër ambasada dhe përfaqësi konsullore të Maqedonisë

Për të votuar në diasporë  janë regjistruar 20.573 njerëz. Më së shumti janë regjistruar në Bernë , 4256 votues, Venedik 2.724, Detroit 1.170, New York 1.168 dhe në Melburn 1.112.

Në Bernë janë hapur tri njësi zgjedhore shtesë dhe dy në Venedik ndërsa mërgimtarët të  drejtën e votës mund ta realizojnë nga ora 07:00 në mëngjes deri në orën 19:00.

Nga ana tjetër raportohet për 4706 akreditime për vëzhgues nga brenda dhe jashtë Maqedonisë që janë shpërndarë për monitorim e procesit të votimit më 11 dhjetor, në zgjedhjet e përgjithshme në Maqedoni.

Nga Komisioni Shtetëror i Zgjedhjeve në Shkup thonë se ky numër është më i madh në krahasim me proceset e kaluara zgjedhore. Interes më të madh, për të mbuluar votimet ka edhe nga gazetarët e huaj.