Telefonat inteligjentë në duart e fëmijëve: Vetëm nga klasa e 7-të e lart

Keystone (AP Photo/Emilio Morenatti)

Prindërit në Köniz, kantoni i Bernës, kërkojnë rregulla të qarta për përdorimin e telefonave inteligjentë në jetën private të fëmijëve. Ndërkohë që disa shkolla kanë ndaluar përdorimin e telefonave gjatë orëve mësimore, shumë prindër ndihen të “presionuar” nga fëmijët e tjerë që kanë telefon.

Një iniciativë prindërore propozon:

Asnjë telefon personal për fëmijët deri në klasën e 7-të (rreth 12-13 vjeç)

Asnjë llogari personale në rrjetet sociale deri në klasën e 9-të (rreth 14-15 vjeç)

Sondazhi mes prindërve tregon se 80% janë të gatshëm të respektojnë këto rregulla, ndërsa mbështetja për ndalimin e rrjeteve sociale është edhe më e lartë (90%). Iniciatorët po krijojnë një platformë online për t’i ndihmuar prindërit të gjejnë familje që ndjekin të njëjtat standarde, në mënyrë që fëmijët të mos ndihen të izoluar.

Qëllimi i iniciativës është që familjet të përballojnë së bashku “presionin e heshtur” social që vjen nga përdorimi i hershëm i teknologjisë.