Temperaturat deri në 27 gradë në Shqipëri

Foto ilustrim

Kjo e diel do të jetë në ndikimin e kushteve të qëndrueshme atmosferike, duke bërë që moti të jetë i kthjellët me vranësira të lehta e kalimtare të jenë dominante, sipas MeteoAlb.

Kjo situatë meteorologjike do të vijojë edhe gjatë orëve në vijim, ku kthjellimet do të jenë të pranishme pothuajse në gjithë territorin, përjashtuar zonat malore, ku priten herë pas here zhvillim i vranësirave duke sjellë shira të karakterit lokal.

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 9°C deri në 27°C.

Era do të fryjë e lehtë dhe mesatare me shpejtësi 30 km/h nga drejtimi veri-veriperëndimore, duke krijuar në brigjet detare dallgë deri në 2 ballë.