Tenton të korruptojë policët me 500 lekë! (foto)

“Ky shtetas i ka ofruar 500 lekë punonjësit të policisë rrugore, për të shmangur masën administrative që do ndëshkohej për drejtimin e mjetit të tij tip kamion me shpejtësi tej normave të lejuara", thuhet në njoftimin e Policisë

Foto ilustrim

Policia shqiptare ka bërë të ditur se ka arrestuar një person, i cili ka tentuar t’i ofrojë 500 lekë në mënyrë për të shmangur masën administrative.

Sipas policisë shqiptare, ai është arrestuar në flagrancë. 500 lekë janë rreth 4 euro, përcjell albinfo.ch. Vozitësi ishte 55-vjeçar.

“Ky shtetas i ka ofruar 500 lekë punonjësit të policisë rrugore, për të shmangur masën administrative që do ndëshkohej për drejtimin e mjetit të tij tip kamion me shpejtësi tej normave të lejuara. Arrestimi i tij në flagrancë u krye për veprën penale “Korrupsion aktiv ndaj personave që ushtrojnë funksione publike” parashikuar nga neni 244 i Kodit Penal”, thuhet në njoftimin e Policisë.