Thaçi: Kosova është atdhe i të gjithëve

Presidenti i Kosovës, Hashim Thaçi ka mbajtur takimin e Këshillit Konsultativ për Komunitete.

Thaçi ka përkrahur kërkesën për shtimin e buxhetit për Këshillin. Ai tha se dialogu mes të gjitha komuniteteve është prioritet i tij.

Kreu i shtetit tha se jeta më e mirë ndërtohet me bashkëjetesë mes vete. Presidenti shtoi se vitin e ardhshëm do të shënohet dhjetë vjetori i shpalljes së pavarësisë derisa ka ftuar ata që të jenë pjesë e organizimit, bën të ditur televizioni publik i Kosovës.

Presidenti Thaçi ka thënë se e ka përcjellë me vëmendje punën e Këshillit Konsultativ dhe i ka përgëzuar ata për angazhimin në përmirësimin e kornizës ligjore në Kosovë, ku tash promovohen dhe mbrohen më mirë edhe të drejtat e komuniteteve, përcjell albinfo.ch.

Ai e ka përkrahur edhe kërkesën e Këshillit Konsultativ për Komunitete për shtimin e buxhetit.

Kreu i shtetit ka shtuar se dialogu në mes të gjitha komuniteteve në Kosovë është prioritet i tij.

Ai u ka thënë anëtarëve të Këshillit Konsultativ për Komunitete se të drejtat e komuniteteve janë të garantuara me Kushtetutën e Kosovës, e cila i referohet të gjitha dokumenteve të rëndësishme ndërkombëtare për mbrojtjen dhe promovimin e të drejtave të komuniteteve.