Lajme

Thahet lumi më i gjatë në Itali

E enjte, 11 Gusht 2022 - 17:00 albinfo.ch

Foto: Ambasciata d'Italia a Tirana (Fb)

Në një fermë në Italinë veriore jo shumë larg detit Adriatik, të korrat e Giampaolo Bassi janë në telashe.

“Uji i kripur po i vret bimët sepse ato nuk mund të durojnë një përqendrim kaq të lartë”, thotë 32-vjeçari.

Giampaolo ka pasur probleme me kripën në ujë edhe më parë, por jo kështu.

E gjitha është e lidhur me thatësirën më të madhe të rajonit në 70 vitet e fundit – rezultat i mungesës së shiut dhe borës që nga dimri dhe temperaturave më të larta.

Lumi Po, së bashku me degët e tij, është një mjet shpëtimi për komunitetet në të gjithë Italinë veriore, por prej thatësirave lumi më i gjatë është duke u tharë, shkruan euronews, përcjell albinfo.ch