Trajneri i Kosovës, Bernard Challandes, ka rezultuar pozitiv me Covid

(KEYSTONE/Laurent Gillieron)

Federata e Futbollit të Kosovës ka njoftuar zyrtarisht se trajneri zviceran, Bernard Challandes, ka rezultuar pozitiv me Covid, transmeton albinfo.ch.

“11 nëntor 2020, pas kryerjes së testit për COVID-19, përzgjedhësi i Kombëtares, Bernard Challandes  dhe njëri nga pjesëtarët e tjerë të stafit (menaxheri i pajisjeve), kanë rezultuar pozitiv”, njofton FFK.

Ata tashmë janë izoluar nga pjesa tjetër e ekipit deri në testin e radhës, që është programuar për të enjten për ndeshjen kundër Sllovenisë.

Kësisoj, ndeshjen e sotme miqësore kundër Shqipërisë do ta drejtojë ndihmëstrajneri i parë, Muharrem Sahiti. /Albinfo.ch