Travailsuisse: Rritja e pagave, shumë e vogël

Sipas Travailsuisse, në shumë raste, rritjet kanë mbetur në 0.2 deri në 0.5 për qind

Organizata ombrellë e sindikatave zvicerane, Travailsuisse, ka shprehur zhgënjim me negociatat për pagat për vitin e ardhshëm, transmeton albinfo.ch.

Travailsuisse vëren se në shumicën e sektorëve, negociatat aktuale për pagat kanë rezultuar vetëm në një rritje maksimale prej një për qind. Megjithatë, në shumë raste, rritjet kanë mbetur në 0.2 deri në 0.5 për qind.

Travailsuisse më parë kishte kërkuar një rritje page prej dy për qind për punonjësit, shkruan srf.ch.

Organizata ombrellë tani kritikon faktin se këto rritje page shpesh anulohen nga kostot më të larta të jetesës, veçanërisht për shkak të rritjes së primeve të sigurimit shëndetësor.

---