Tre kosovarë nga Zvicra kandidohen për zgjedhjet e 12 dhjetorit

Agjencia e lajmeve të Zvicrës (SDA-ATS) nofton se përveç afaristit tashmë të njohur, Behgjet Pacolli, dy kosovarë tjerë, respektivisht nga Berni dhe nga Schaffhouseni, do të kandidohen për zgjedhjet e të dieles në Kosovë.

Sipas agjencisë në fjalë, Behgjet Pacolli, i cili gjatë fushatës zgjedhore të vitit 2007 synonte postin e kryeministrit, tani ka për objektiv marrjen e presidencës së Kosovës.

Sa i përket dy kandidatëve tjerë, për Lidhjen Demokratike të Dardanisë do të prezantohet zonja Zize Pepshi, e cila në vitin 2009 u zgjodh kryetare e degës së kësaj partie në Zvicër. Nga ana tjetër, Faton Tapolli, me vendbanim në Schafhousen dhe me shtetësi të dyfishtë, do të paraqitet për formacionin “Vetëvendosje”.