Tre të akuzuar për rrahjen e një holandezi në Prizren

Është ngritur aktakuzë kundër tre personave me inicialet E.S., F.K. dhe J.K. pasi ata kanë rrahur një shtetas holandez në qytetin e Prizrenit muajin e kaluar

Prokuroria Themelore në Prizren ka ngritur aktakuzë kundër tre personave me inicialet E.S., F.K. dhe J.K. pasi ata kanë rrahur një shtetas holandez në qytetin e Prizrenit muajin e kaluar, transmeton albinfo.ch.

Ata akuzohen për veprat penale grabitja dhe lëndim i lehtë trupor. “Sipas aktakuzës E.S., F.K. dhe J.K., më 03.07.2017 me qëllim që ti sjellin vetes dobi pasurore të kundërligjshme e sulmojnë fizikisht të dëmtuarin J.S.K., shtetas holandez, e pastaj nga ai kërkojnë të holla, e kontrollojnë nëpër xhepa dhe ia marrin një telefon celular të tipit “Sony-Experia”, në vlerë rreth 600 Euro”, thuhet në njoftimin e gjykatës.

.