Tre zviceranë shtyjnë një afgan në shina të trenit

pixabay

Tre të rinj zviceranë shtynë një 29-vjeçar afgan në shinat e trenit në St. Gallen gjatë natës.

Kalimtarët e kanë ngritur sërish viktimën e plagosur në platformë. Autorët e dyshuar të moshës 18 dhe 19 vjeç janë arrestuar nga policia.

Prokuroria publike po heton për rrjedhën e saktë të aktit të dhunës, i cili ndodhi rreth orës 02:00 të mëngjesit. Kështu ka bërë të ditur policia kantonale në St. Gallen, shkruan SRF.

Sipas informacioneve të mëparshme, në nënkalimin kryesor ka pasur një mosmarrëveshje mes zviceranëve dhe afganëve. 29-vjeçari thuhet se është goditur disa herë me shkelma përpara se të shtyhej në shinat e trenit.

Policia shkroi se në këtë moment nuk qarkullonte asnjë tren. Afgani u plagos dhe u dërgua në spital. Të tre zviceranët donin të iknin, por nuk ia dolën. Policia e arrestoi, përcjell albinfo.ch.