Trenat zviceranë, të mbushur me turistë

Keystone

Këtë vit ka shtim të numrit të udhëtimeve me tren në tërë Zvicrën. Numri i tyre është rritur bashkë me turistë, ku udhëtimet ndërkombëtare po shënojnë rekord, përcjell albinfo.ch.

Numri i turistëve të huaj është rritur ndjeshëm, kemi kërkesa të mëdha për bileta treni ndërkombëtar, tha zëdhënësja e SBB-së, Sabrina Schellenberg.

Dhe për trenat e natës dhe Interrail kërkesat janë edhe më të larta se në vitin 2019, i cili (para se të vinte Covid) ka qenë tashmë një vit rekord për trafikun ndërkombëtar të pasagjerëve.

Ndërsa javët e fundit udhëtarët në aeroporte janë përballur me greva, vonesa dhe anulime për shkak të mungesës së stafit, shumë prej tyre kanë vendosur të largohen me tren.

Destinacionet më të njohura që kanë numër të madh të turistëve janë nga Parisi, Milano, Venecia dhe Mynihu”, shpjegon Schellenberg. “Ka një rritje të kërkesës për vende më të largëta, si Vjena, Hamburgu dhe Berlini, Bolonja dhe Parma”. /Albinfo.ch