Trendi aktual për iniciativat që votohen më 25 shtator

Instituti GFS Bern ka bërë një sondazh lidhur me trendin aktual të votimit të tri iniciativave që votohen më 25 shtator. Për këtë sondazh janë pyetur telefonikisht 1212 veta në periudhën 2 deri 12 gusht

(KEYSTONE/Sigi Tischler)

Më 25 shtator populli me të drejtë vote i Zvicrës do të votojë për tri iniciativa në nivel nacional. Instituti GFS Bern ka bërë një sondazh lidhur me trendin aktual të votimit të tri iniciativave.

Po të mbahej në fillim të gushtit referendumi për ligjin e ri të shërbimit informativ, 58 për qind të qytetarëve me të drejtë vote do të votonin në favor të ndryshimit ose me tendencë nga aprovimi i këtij ndryshimi. 35% do të ishin kundër ose me tendencë nga e kundërta lidhur me këtë çështje shkruan albinfo.ch

Plotësisht të pavendosur janë shprehur 7 për qind, gjë që paraqet një ndërtim relativisht të avancuar të mendimit. Ndërsa arsyeja kryesore për këtë lidhet me faktin se rreth kësaj teme mund të formohet një qëndrim i qartë edhe pa pasur nevojë të njihen hollësitë e projektligjit, theksojnë autorët e sondazhit nga Instituti për hulumtimin e opinionit publik, GFS Bern.

Përqindjen më të madhe të mbështetësve të ndryshimit e ka FDP/PLR-ja ndërsa më të ulëtën, Partia e Gjelbër.

Baza partiake e SP, CVP dhe SVP ka qenë po ashtu me shumicë në mbështetje.

Në mesin e votuesve nën moshën 40 vjeçare, përqindja e përkrahësve ka qenë 45%.

Lidhur me iniciativën “AHV Plus” gjendja paraqitet më e baraspeshuar. Kështu, në favor të saj do të votonin 49% ndërsa kundër saj 43%, përcjell albinfo.ch Vetëm 8% në momentin e anketimit kanë qenë të pavendosur.

Nga partitë, më të vendosurit pro iniciativës kanë qenë të Gjelbrit me 70% ndërsa më të vendosurit kundër saj kanë qenë zgjedhësit e FDP/PLR-së me 59%.

Pensionistët janë 56% pro.

Për iniciativën tjetër, atë “Për një ekonomi të qëndrueshme dhe me burime eficiente” 61% do të votonin në favor nëse votimi do të bëhej në fillim të gushtit. 24% do të ishin kundër dhe 15% të pavendosur, transmeton albinfo.ch. Këtë iniciativë e mbështesin 90% të zgjedhësve të partisë së gjelbër pasi që ajo i takon kësaj partie. Por, një shumicë relative në favor e kanë edhe të gjitha partitë tjera.

Për këtë sondazh GFS Bern ka pyetur telefonikisht 1212 veta në periudhën 2 deri 12 gusht.