Tribunali i Hagës nuk heton trafikimin e organeve

Kryeprokurori i Tribunalit për krime të luftës në ish-Jugosllavi, Serge Brammertz, ka thënë se ky tribunal nuk është duke bërë asnjë hetim për tregtinë e supozuar me organe, për të cilën Serbia akuzon liderë politikë kosovarë.

“Prokuroria nuk është duke bërë hetime, prandaj nuk mund të komentoj se si po ecën”, ka thënë ai.

Sipas tij, informacionet e pakta që i ka pasur, prokuroria ia ka dërguar autoriteteve rajonale përgjegjëse. “Carla del Ponte e ka bërë një gjë të tillë”, ka thënë Brammertz në një intervistë për portalin kroat, T-portal.