Trump: 41% e familjeve nga Shqipëria dhe 46% nga Kosova në SHBA marrin ndihmë sociale

(AP Photo/Luis M. Alvarez)

Presidenti i Shteteve të Bashkuara, Donald Trump, ka bërë publike në rrjetin social Truth Social disa të dhëna mbi përfitimin e ndihmës sociale nga familjet emigrante në SHBA. Sipas statistikave të shpërndara, 41.3% e familjeve shqiptare që jetojnë në Amerikë marrin asistencë sociale nga shteti amerikan.

Të dhënat janë pjesë e një renditjeje me titull “Immigrant Welfare Recipient Rates by Country of Origin”, ku pasqyrohet përqindja e familjeve emigrante që përfitojnë ndihmë sociale, të ndara sipas vendeve të origjinës, transmeton albinfo.ch.

Në listë përfshihet edhe Kosova, ku rezulton se rreth 46% e familjeve emigrante marrin ndihmë sociale. Shqipëria renditet mbi pragun 40%, por me një përqindje më të ulët krahasuar me disa vende të tjera, duke u pozicionuar pranë shteteve si Moldavia, Ukraina dhe Vietnami.

Presidenti Trump ka përdorur këto statistika për të ilustruar nivelin e përfitimit të asistencës sociale nga komunitetet emigrante në SHBA, pa dhënë komente shtesë mbi politikat që mund të pasojnë.