Trump i kërkon Izraelit t’i ndalë bombardimet në Gazë

Hamasi pajtohet t’i lirojë pengjet

Presidenti amerikan Donald Trump ka mirëpritur përgjigjen e Hamasit ndaj planit të tij për paqe në Lindjen e Mesme dhe i ka kërkuar Izraelit të ndalojë menjëherë bombardimet në Gazë, për të mundësuar lirimin e pengjeve, përcjell albinfo.ch.

Sipas Trump, deklarata e Hamasit tregon gatishmëri për një “paqë të qëndrueshme”. Hamasi ka shprehur dakordësi me pjesën më të madhe të planit, duke përfshirë lirimin e pengjeve, por kërkon negociime për disa pika.

Izraeli ka shprehur gatishmëri për të zbatuar “fazën e parë” të planit, që përfshin këmbimin e pengjeve, por nuk ka komentuar publikisht kërkesën e Trumpit për ndaljen e sulmeve.

Plani i përpiluar nga ekipi i Trumpit përmban 20 pika, përfshirë: armëpushim të menjëhershëm, këmbimin e pengjeve, tërheqjen graduale të ushtrisë izraelite nga Gaza, çarmatosjen e Hamasit dhe krijimin e një qeverie teknokrate palestineze nën mbikëqyrje ndërkombëtare.

Plani ndalon Izraelin të aneksojë Gazën dhe përjashton Hamasin nga çdo rol në administrimin e saj. Parashikohet gjithashtu rindërtimi i Gazës pas dy vitesh lufte.

---